الخميس، 13 سبتمبر 2018

قتلنى عندما عرف اننى عاجزة

فتاه عاجزة عن الحركة
انا بنوته عندها 20سنه جميلة اوى زى ما كل اهلى بيقولوا ليا كدا كان نفسى اتجوز واخلف اطفال اهتم بيهم زى اى حلم بنوته فى سنى لكن مش ديما كل حاجه بنتمناها بتكون لينا مش كل حاجه بنحلم بيها واحنا صغيرين بتتحقق كلها ولكن يبقى الرضا طالما انت راضى وتحمدالله هتعيش فى سعاده حتى لو مش قادر توصل للى انت تتمناه انا بنت بش مش زى اى بنت لأنى الحمدلله على كل حال عاجزه عن الحركه مش بقدر امشى واتعرفت على شخص من على النت واعجبت بيه ولقيته هو كمان اعجب بيا وحبنى اوى وهو ميعرفش انى عاجزه عن الحركه اعذرونى مقدرش اقول مشلوله عشان الكلمه دى بتتعبنى اوى المهم قالى نفسى اكلمك فون اديته رقمى بعد ماعرفت انه انسان كويس اوى وكلمته مرتين بس وقالى انه نفسه يرتبط بيا جدا وهو كان ولد وحيد امه وعاوز يكلم امى عشان يحدد معاد معاها انه يجى يقرا فاتحه ونكلم فون فى النور بس انا محبتش اخدعه اكتر من كده قولتله فيه حاجه لازم تعرفها...
وقولتله انى عاجزه عن الحركة مش بقدر امشى قالى انه هيجى ويشوف اى حل وانه هيخلينى اعمل العمليه وساعتها ممكن اقدر امشى فرحت اووووووووى اووووووى وقتها من انه بيحبنى ومتمسك بيا وان انا مش خدعته وقولتله الحقيقه وانا مش عاوزه حب حرام انا عاوزه كل الناس تعرف انه حبيبى وخطيبى ولكن للأسف لم تكتمل فرحتى لم تستمر احلامى بل قطعها ودمرنى واحزننى بعد ما كان سبب لفرحتى بعدها لقيته بعد عنى وغير رقم تليفونه ومش حابب يكلمنى تانى ومعرفش عنه اى حاجه فكرت كتير اووووى وحزنت اكترر لكن رجعت قولت لنفسى دا الطبيعى انه يحصل وان مفيش شاب هيرضى يتجوز بنوته عاجزة إلا لو فعلا بيحبها ومستعد يضحى علشانها محولتش انى اسال عليه عشان من حقه مايرتبطش بواحده عاجزه بس دلوقتى كل يوم بقرا المحادثه اللى بينا وافضل اعيط على فراقه كل يوم بعيط بسببه

ليست هناك تعليقات:

إرسال تعليق

شحن السلع مجاني

الشراء عبر الإنترنت - وطرق شحن معتمدة

حجز السلع عبر الإنترنت